Aspaldi da eTwinning proiektu bat erregistratu nuela eta oraindik ez dakit ezer.
Prozesuan zehar inolako arazorik gertatzen ez bada, egun gutxian jaso dezake onespena proiektuak. Hala ez bada, hiru gauza gerta daitezke:
1. Zure kideak oraindik ez du onetsi zure proiektu-proposamena. Horretarako zure kideak bere eTwinning-eko Mahaigainean sartu behar du. Nire jakinarazpenak moduluan proiektua onesteko edo ezesteko mezu bat topatuko du. Onespena ematen ez duen artean, eTwinning proiektua ez da bere Laguntza Zerbitzu Nazionalera iritsiko eta ezin izango dute gestionatu. Zure kideak proposamena onetsitakoan, zuk jakinarazpen bat jasoko duzu zure mahaigainean.
2. Laguntza Zerbitzu Nazional espainolak oraindik ez du onetsi zure proiektua. Kideek proiektua onetsitakoan, LZNZk dagokion autonomi erkidegoari jakinaraziko dio, eta azken hau ikastetxeko zuzendaritzarekin harremanetan jarriko da proiektuan parte-hartzeari bere onespena eman diezaion. Pauso horiek guztiak eman eta betetakoan, onetsi ahal izango da proiektua. Egin iezaiozu kontsulta zure ikastetxeko zuzendaritzari, zure autonomi erkidegoko eTwinning-eko ordezkariari (ikus Kontaktua), edo, azkenik, LZNZri. Zure profilean ageri diren Ikastetxearekiko kontaktuko datuak okerrekoak baldin badira, aldatu egin behar dituzu eta zure autonomi erkidegoko eTwinning-eko ordezkariekin kontaktuan jarri behar duzu informazio zuzena helarazteko.
3. Zure kidearen Laguntza Zerbitzu Nazionalak oraindik ez du proiektua onetsi. Arrazoizko denbora aldi bat igarotakoan egoera aldatzen ez baldin bada zure kideari iradoki beharko diozu bere LZNZrekin harremanetan jartzeko.
