Descubre a arte da linguaxe con CommunicArt
Título: CommunicArt
Etapa educativa: Segundo ciclo de Educación Primaria
Materia: Educación Plástica e Visual / Inglés
Neste proxecto, levado a cabo polos alumnos de 9 a 10 anos do centro Ramon Macip - Dolors Granés xunto cos seus compañeiros polacos da mesma idade, realízanse distintas actividades encamiñadas ó desenvolvemento da creatividade e a expresión artística dos alumnos. O seu toque de orixinalidade, favorecido polo constante uso de ferramentas TIC, enriqueceu o intercambio de aspectos culturais e a comunicación mediante unha lingua estranxeira.
O inicio do traballo coas presentacións dos alumnos dos distintos centros mediante unha actividade lúdica reflicte a creatividade impreganada en todo o proxecto. Éstas realizáronse a través de fotografías propias que, retocadas co programa Paint Shop Pro, os compañeiros estranxeiros tiveron que relacionar con cada unha das descricións individuais recibidas dos seus socios. Porén, quizais non sexa este o exercicio máis chamativo do proxecto; coa actividade "Our School Alphabet", recoñecida co premio de fotografía de La Mostra 09 de Produccions Audiovisuals Escolars, crearon un abecedario con diversos elementos e partes do centro que capta a atención e interese de calquera espectador.
Sen dúbida algunha, a colaboración dos profesores, Jessica Júarez Tarela (España) e Alina Pogorzelska (Polonia) foi imprescindible para que o proxecto teña seguido o calendario previsto e conseguido os obxectivos formulados. Así mesmo, a creación de parellas intercentros permitiu a elaboración de produtos conxuntos, elemento clave en todo proxecto eTwinning, pero de difícil consecución.
En definitiva, o uso de ferramentas TIC, tanto no desenvolvemento como na posterior mostra das actividades e o traballo cooperativo fomentaron unha educación interdisciplinar á vez que multilingüe e multicultural. Por todo isto, CommunicArt foi un dos elixidos como Premio Nacional eTwinning 2010.
Enlaces:
TwinSpace público (Plataforma TwinSpace antiga)
Premios eTwinning 2010
- Maths and Earth, aplicación de las matemáticas a la realidad
- Con Like a bird visita o patrimonio cultural europeo
- TRIANGULO, a percepción da agua na Península Ibérica
- Uniting through legends y la creación de cuentos colaborativos
- Schoolovision 2009, a Eurovisión escolar
- Observa a aplicación da Física e a Química con Magic but real experiments
- Acabar cos estereotipos "Sous le ciel de la compréhension"
- LED – Learning and Teaching Furniture Design in Europe, unha moderna colección de mobles
- Atraentes actividades infantís en Colours of life: common story written by children
- Creative Commons, un ensino innovador da licenza dixital
- Double-e: e-magazine on European issues, a revista dixital máis europea
- Searching Twelve Labors to Hercules, un exemplo creativo de ensino interdisciplinar
- Descubre a arte da linguaxe con CommunicArt
- Coñece toda a actualidade europea en Into news!
- Trade and logistics between countries of the European Union, una metodoloxía de simulación
- Promoción da arte Infantil, Grandi quadri e piccoli pittori, Grandes cadros e pequenos pintores
- Conservando o planeta a partir de 50 easy things you can do to save the Earth
