eTwinning é unha comunidade de profesionais con miles de docentes de 32 países europeos. É o lugar perfecto para coñecer a outros compañeiros, intercambiar ideas e experiencias, discutilas e desenvolver proxectos con eles. Onde e como atopalos?

Lugares de encontro: Grupos eTwinning, Encontros Didácticos, Blog dos Profesores 

Estas ferramentas ofrecen aos profesores lugares nos que reunirse arredor dun tema de interese común. Alí atoparás unha variedade de actividades centradas neses temas (foros, arquivos, chats, actividades de apredizaxe…). Por outro lado, detectar unha preocupación profesional común e traballar sobre ela desde o principio é unha forma perfecta de atopar un socio e iniciar un proxecto.

Explorando ideas: galerías, conectando opinións

Os perfís dos profesores non é o único que podes ver e explorar en eTwinning. Tamén podes acceder a moitos exemplos de boas prácticas, propostas e ideas para proxectos, etc. En moitos casos, os usuarios poden valoralas, de forma que compartirán as súas opinións co resto da comunidade. Sinxelamente, explora un proxecto que che pareza atractivo e, entón, poderás contactar cos profesores que participaron nel. Ou atopa unha idea que che resulte interesante e mira quén comparte a túa opinión. Tamén, deixa os teus comentarios e valoracións;  desta forma, outros usuarios poderán “seguirche o rastro”. É un bon punto de partida para establecer contacto con alguen e ver a posibilidade de iniciar un proxecto.

Buscando socios: buscadores, foro

  Se estás buscando un posible socio, ten en conta que non todos os profesores de eTwinning participan nos grupos, aparecen nas galerías ou poden ser localizados a través das súas opinións. Tamén, pode que teñas unha idea moi definida das características do proxecto que queres facer: o país ou a cidade do teu futuro socio, idade e materia… Ou quizás, queres ir ao perfil de alguén que coñeces (virtualmente ou en persoa) e engadilo ós teus contactos. Para todo isto, as seguintes ferramentas seranche especialmente útiles.

Algúns consellos: non sempre é chegar e bicar o santo

Como en calquera outra comunidade, hai regras de comportamento que son aconsellables seguir. Por outro lado, non todos os profesores cos que contactes teñen por qué ser o socio “perfecto” para o teu proxecto. De feito, podes coñecer profesores cuxo trabajo che guste, ou cos que compartas opinións ou intercambies material e, non obstante, poden non ser unha boa opción para iniciar un proxecto; quizás a idade dos vosos alumnos, as materias ou o tipo de proxecto que pretendedes facer non son compatibles. Se paciente e no te precipites: tarde ou cedo atoparás a alguén con quen poidas traballar. A continuación tes algúns consellos para axudarche a contactar con compañeiros e encontrar un socio:

• Non engadas a ninguén sin comunicación previa: Se encontras a alguén con quen che gustaría traballar, non comeces enviándolles unha invitación para ser parte dos teus contactos. Antes diso, intenta establecer algún tipo de comunicación e comproba que o outro profesor tamén está interesado. Podes facelo nos Grupos ou nos Encontros Didácticos, contestando a unha entrada no foro, ou enviándolle un correo electrónico.

• Ten en conta as diferenzas culturais: Ten cuidado coas diferenzas culturais entre todos os participantes. Un mesmo texto pode ser considerado demasiado formal ou demasiado informal en distintos países, e palabras como “pronto” poden ter un amplo abano de significados máis alá da súa tradución literal. Se claro e razonablemente amable cando escribas e, se les algo que non entendas ou non che guste, pide que cho expliquen antes de xulgar (¡e estate preparado para que cho pidan!)

• Respecta os teus compromisos: Se decidides prazos para enviar documentos ou contestar mensaxes, intenta respectalos. Se non podes, polo menos escribe unha mensaxe ao teu contacto comunicándollo. E se finalmente decides que non queres traballar con ese profesor, se claro e dillo. Isto é moito mellor que deixalo esperando a túa próxima mensaxe.

• Navega por toda a información dispoñible: Cando leas unha idea que che guste, explora os proxectos nos que ese profesor estivese implicado; comproba cántos son, cómo traballa… Isto darache unha visión concreta de cómo esa idea se materializa.

• Encontra as coincidencias: Atopaches un posible socio e os dous queredes traballar xuntos. Antes de comezar “en serio” co proxecto, hai unha serie de cuestións que debes ter en consideración. As respostas a estas cuestións no teñen por qué ser idénticas, pero, polo menos, deben ser complementarias, de forma que permitan o traballo en colaboración entre os socios. A continuación, suxírense algunhas destas preguntas. Quizás, elaborar e intercambiar un cuestionario a partir delas permitirá aclarar moitas dúbidas desde o principio:
  • ¿En que temas queremos traballar xuntos?
  • ¿Que obxectivos quero alcanzar co meu proxecto eTwinning? ¿Que obxectivos temos en común?
  • ¿Temos un enfoque pedagóxico similar?
  • ¿En que idioma(s) podemos comunicarnos? ¿E os nosos alumnos?
  • ¿Coñezo o sistema escolar do meu socio? ¿Coinciden o tipo de centro e os cursos?
  • Se o proxecto vai durar máis dun ano ¿exporémolo para distintos grupos de alumnos ou para o mesmo?
  • ¿Que resultados finais buscamos?
  • ¿Que vacacións temos cada un? ¿É posible o traballo conxunto?
  • ¿Canto tempo á semana / ano queremos adicar ao proxecto?
  • ¿Que ferramentas TIC queremos usar para o traballo en colaboración entre os alumnos?
  • ¿Como implementaremos o proxecto na aula? ¿E como faremos que os alumnos participen?
  • ¿Como podemos poñernos en contacto fácil e rapidamente?
  • ¿Que canles de comunicación queremos empregar (correo electrónico, teléfono, chat…)?

¿Estás listo? ¿Conociches xente interesante e, entre eles, a un posible socio? ¿Estades de acordo en traballar xuntos e vistes que é posible? Entón, é o momento de comezar a traballar no voso proxecto ¡Boa sorte e bo traballo!